ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ
អង្គការយុវជនកម្ពុជាដើម្បីការអភិវឌ្ឍ
សេចក្ដីជូនដំណឹង
អង្គការយុវជនកម្ពុជាដើម្បីការអភិវឌ្ឍ គឺជាអង្គការក្រៅរដ្ឋាភិបាលមួយដែលត្រូវបានបង្កើតឡើងដោយក្រុមយុវជនកម្ពុជាមួយក្រុមក្នុងគោលបំណងដើម្បីចូលរួមចំណែកអភិវឌ្ឍសង្គមជាតិតាម រយៈការចូលរួមជួយបណ្ដុះបណ្ដាលនិងកសាងធនធានមនុស្សប្រកបដោយគុណភាព និង គុណធម៍ ហើយ អង្គការនេះប្រកាន់នូវគោលការណ៍ឯករាជ្យ ដោយមិនបម្រើនិន្នាការគណៈបក្សនយោបាយ ឬ សាសនាណាមួយឡើយ។
គោលបំណងចម្បង៖
- អភិវឌ្ឍធនធានមនុស្ស
- កាត់បន្ថយភាពក្រីក្រនៅក្នុងសង្គម
- ដោះស្រាយបញ្ហាប្រឈមរបស់យុវជន និង កុមារ
- ផ្ដល់ទីប្រឹក្សាដល់អ្នកដែលជួបបញ្ហា
- បង្កើតកម្មវិធីមនុស្សធម៍ដើម្បីជួយសង្គម
- បណ្ដុះផ្នត់គំនិតកុមារ និង យុវជន ក្នុងកិច្ចការពារ និង អភិវឌ្ឍសង្គម
បេសកកម្ម៖
- បង្កើត មជ្ឈមណ្ឌលយុវជនកម្ពុជាដើម្បីការអភិវឌ្ឍ
- បង្កើត ថ្នាក់បណ្ដុះបណ្ដាលភាសាបរទេស និង វិជ្ជាជីវៈ
- បណ្ដុះបណ្ដាលកុមារ និង យុវជនឲ្យក្លាយទៅជាធនធានមនុស្សដែលមានគុណភាព
- ចូលរួមធ្វើសកកម្មភាពអភិវឌ្ឍសង្គម
ដើម្បីឆ្លើយតបនឹងតម្រូវការរបស់សង្គម អង្គការយុវជនកម្ពុជាដើម្បីការអភិវឌ្ឍ មានការគាំទ្រ ឲ្យបង្កើតឡើងយ៉ាងពេញទំហឹងដើម្បីចូលរួមអភិវឌ្ឍសង្គមពីសំណាក់មហាជនដែលបានយល់ព្រម ផ្ដល់ពត៌មានអំពីពួកគេហើយអះអាងថាពួកគេគាំទ្រឲ្យមានការបង្កើតអង្គការនេះឡើងដើម្បីជាប្រយោជន៍សម្រាប់មនុស្សជាតិទាំងអស់គ្នា។
ដោយៈ យ៉េន ម៉ាលីន
